Ég var að velta fyrir mér hvort eitthvert ykkar vissi hvernig þetta yrði í sumar þegar við fögnum 5. ára reunion? Mér finnst ég hafa heyrt að það séu alveg 3 dagar sem fara í þetta, er það rétt hjá mér? Ástæðan fyrir því að ég er að spá í þessu er að ég mun að öllum líkindum útskrifast frá HÍ 13. júní og er að velta fyrir mér hversu mikið ég þarf að flýta mér norður  

Ég er hérna með litla kútinn minn sofandi framan á mér og datt nú í hug að kíkja á þessa síðu þegar ég rakst á síðuna hjá 4f... sem er bara mjög lífleg miðað við okkar síðu!
En af mér er bara allt gott að frétta þessa dagana, eignaðist lítinn strák 5. maí, 14 merkur og 52 cm. Ég bý á Djúpavogi þetta sumarið, í fullu starfi við að hugsa um litla snúðinn minn, sem er ekki ennþá búinn að fá nafn. Við ætlum að skíra 4. júlí og bíðum ábyggilega með nafngiftina þanga til þá. Það er nú svolítið öðruvísi að vera heima að sinna svona kríli allan daginn, en mér finnst hann svo sætur að ég bara fæ ekki nóg
Við litla fjölskyldan ætlum síðan að flytja í bæinn í haust og ég ætla að fara aftur í hjúkrun í HÍ á annað ár. Árni minn er svolítið óákveðinn þannig það kemur bara í ljós hvað hann gerir.

Sælt veri fólkið langaði bara að gera könnun á því hversu margir hafi áhuga á hitting t.d í keilu eða eitthvað álíka endilega kommenta gott fólk!!!

Innilega til hamingju með litlu snúlluna Hlakka til að sjá myndir

 

kv Elísa

Góður hittingur fór fram hjá elísu 28 mars og vonandi verður svona lagað ekki bara einu sinni á ári. Að sjálfsögðu var slúðrað og spilað hið hefðbundna Trivjal sem er fast við þessa viðburði. Arnar og unnusti hans Palli voru illa sviknir og eru að mér skilst enþá sárir eftir spilið.

Hæ Hittingur á miðvikudaginn 28.mars kl 19 stundvíslega takk Hvassaleiti 14 Kv Elísa ps. látið vita ef þið komist ekki

Sæl veriði Ef að húsbóndinn leyfir, hvað segiði um hitting miðvikudaginn 28.mars, heima hjá mér ??? Kv Elísa

allvega ef maður er frá sigló....

þarf ekki að koma hittingur fljótlega áður en prófin byrja? Kanski að maður bjóði ykkur heim til manns.... eða kanski of fjölmennt. Spurning ef einhver býður fram húsnæði þá væri hægt að spjalla og hafa pizzu og læti....

Einhver til?

Kv. Helgi sem er að fara í útskriftarferð til Egyptalands í vor

Kæru fyrrverandi bekkjarsystkin Gleðileg jól og farsælt komandi ár Hafið það gott um jólin og svo vonandi verður partý á næsta ári (Palli og Arnar ) kv Elísa

Jæja gott fólk hvað finnst ykkur um hækkun á hraðaksturs sektum?? Ég er hlinntur því að fólk fái sektir en finnst hinns vegar að þær ættu að vera tekjutengdar, þá finnur fólk fyrir því sama í hvaða klassa það er. Dæmi: Óli er 18ára námsmaður með 200 þús á mánuði í 4 mánuði á ári = 800þús á ári. Tekinn á 110km/klst sama og Eiddi Gauja sem er með 1000000kr á dag allt árið (365) = 365000000kr var tekinn á. Hvor ætli haldi áfram að keyra hratt??? ( tek það fram að þetta eru ekki réttar tölur og reyndar ekki neinar persónur sem eru til í raun og veru)

Leyfði mér að breyta síðunni aðeins, vonandi er það í lagi Hófí

Já, hann verður svona upp úr klukkan 18 fimmtudaginn 21. september heim hjá mér, Kristnibraut 99 í Grafarholtinu, íbúð 404.

...þá var ég að spá í hvort þið væruð ekki til í að breyta því sem stendur í "Hvað er 4-T að gera í dag"? Var að breyta hjá mér. En já, þeir sem ekki eru búnir að lesa færsluna hans Arons hérna fyrir neðan vinsamlegast gerið það.

Helgi Már er orðinn þreyttur á CM og fékk þá hugmynd að bekkurinn hittist, Hvað segir fólk við því, er stemmari fyrir svoleiðis?? Ég veit ekki hvað það eru margir sem koma hérna inn á hverjum degi væri fínnt ef fólk kommentaði allavega þannirg að maður viti hverjir sjá þetta         Kv Aron Gjé

Það eru liðnir 3 mánuðir síðan var skrifað e-h hér þannig að ég ákvað að ríða á vaðið og leggja nokkur orð í belg eins og fréttaþula hjá RÚV mundi segja. Eru ekki örugglega allir á lífi sem hafa aðgang að þessari síðu?? Annars er ég voða upptekinn þessa dagana við að vinna eins og alltaf en ég hef þó ekki verið alltaf í 3 vinnum og líka í einu fagi í skóla. Ég hef ss náð nýjum hæðum í vinnualkahólismanum hjá mér. Ég ss sé konuna enþá sjaldnar og köttinn enþá síður og svo þegar ég hef frí heima þá þarf ég að sinna skólanum uss. jæja ég vill fara að fá pistla frá fólki inn á þessa síðu svona samantekt sl ár eða allavega 6 mán, maður nebblega fær ekki mikla heildaryfirsýn með því að lesa bloggið hjá fólki, allavega ekki hjá öllum. þannig að sá fyrsti sem les þetta skal sko skrifa hérna stuttan en jafnframt yfirgripsgóðan pistil og hana nú sagði hænan og lagðist á bakið.